Eu en ti

Tal día coma hoxe, un 17 de maio de 1863 publícabase "Cantares Gallegos" e cen anos despois escolleuse esta data para conmemorar o Día das Letras Galegas. Sei que debería escoller un texto de Manuel Lugrís - o autor homenaxeado este ano- pero eu prefiro subir ao meu blog unha poesía que Celso Emilio lle adica a Galiza (unha das miñas favoritas):

Eu xa te busquei

Cando o mundo era unha pedra intaita.

Cando as cousas buscaban os seus nomes

Eu xa te buscaba.

Eu xa te procurei

No comenzo dos mares e das chairas.

Cando Díos procuraba compañía

Eu xa te procuraba.

Eu xa te chamei

Cando soio a voz do vento soaba.

Cando o silencio chamaba polas verbas,

Eu xa te chamaba.

Eu xa te namorei

Cando o amor era unha folla branca.

Cando a lúa namoraba as outas cumes,

Eu xa te namoraba.

Sempre, dende a neve dos tempos,

Eu na túa ialma.

Ps. un saudiño a tódolos galegos, aos que estades aquí e aos que estades lonxe, aos que nacestes aquí e aos que sodes galegos de adopción e por suposto aos que vos encanta a nosa cultura, as nosas paisaxes e a nosa gastronomía... Galiza é un sentimento non un territorio.